Բաքվում մեղադրում են Եվրախորհրդարանին Ադրբեջանի վրա ճնշում գործադրելու համար
Ինչպես հաղորդում է ՏԱՍՍ-ը, Գաֆարովան նշել է, որ «կլիմայի փոփոխությունը գլոբալ խնդիր է, որի լուծումը պահանջում է միասնություն, սակայն այդ հարցն օգտագործվում է Ադրբեջանի դեմ ուղղված օրակարգը քարոզելու նպատակով»։
Նա ափսոսանք է հայտնել, որ «Եվրախորհրդարանը վերածվել է գործիքի՝ Ադրբեջանի դեմ թշնամական և զրպարտչական արշավ իրականացնող ուժերի ձեռքում»։
Հոկտեմբերի 24-ին Եվրախորհրդարանը բանաձեւ է ընդունել Ադրբեջանի վերաբերյալ, որը, մասնավորապես, կոչ է անում ԵՄ ղեկավարներին օգտագործել COP29-ը որպես հնարավորություն՝ հիշեցնելու Ադրբեջանին մարդու իրավունքների պաշտպանության միջազգային պարտավորությունների մասին։