Көчле җил вакытында укый торган дога

Тимергали хәзрәт Юлдашев көчле җил чыкканда дога кылу турында телеграм-канлында аңлатты.

Хәзрәти Гайшә анабыз көчле җил искән чакта Расүлуллаһ салләллаһу галәйһи вә сәлләмнең болай дип дога кылганын хәбәр иткән:اللَّهُمَّ إِنِّي أَسْأَلُكَ خَيْرَهَا، وَخَيْرَ مَا فِيهَا، وَخَيْرَ مَا أُرْسِلَتْ بِهِ، وَأَعُوذُ بِكَ مِنْ شَرِّهَا، وَشَرِّ مَا فِيهَا، وَشَرِّ مَا أُرْسِلَتْ بِهِ

Укылышы: «Аллааһүммә иннии әсьәлүкә хайраһәә вә хайра мәә фииһәә вә хайра мәә үрсиләт биһ, вә әгуузү бикә мин шәрриһәә вә шәрри мәә фииһә вә шәрри мәә үрсиләт биһ».

Мәгънәсе: «Аллаһым, Синнән бу җилнең, бу җил эчендә булган нәрсәләрнең һәм аңа йөкләнгән вазифаның хәерлесен сорыйм. Бу җилнең, аның эчендә булган нәрсәләрнең һәм йөкләнгән вазифаның явызлыгыннан Сиңа сыенам» (имам Мөслим).

Җомга көне мөбарәк булсын! Аллаһы Тәгалә ил-көннәребезгә иминлек, тынычлык бирсен, безне хәвеф-хәтәрләрдән, бәла-казалардан сакласын.