Фирдүс Тямаев футболкасын салып тамашачылар өстенә аткан, хатыннар тарткалаша башлаган
Фирдүс Тямаев Нефтекамскида концертында төшерелгән видеоны күрсәтте. Анда ул сәхнә буйлап чыдаша алмагандай арлы-бирле йөри, әле белештермичә сикерә, аннары футболкасын салып, тамашачылар өстенә ата, кызлар исә футболка өчен тарткалаша башлый.
«Бу җүләрне бүтән дискотекага чакырмагыз! Коточкыя энергетика!» – дип язган җырчы видеоны шәрехләп.
Видеоны караучылар ике төркемгә бүленгән. Беренчесе җырчының бу гамәлен тәнкыйтьләсә, икенче төркемнең кәефе күтәрелгән.
«Моның башы бөтенләй китә. Артык кылана инде, җүләр дигән саен»,
«Әллә футболка өчен сугыштылар инде. Әй Аллам, егетләребез кан коя, ә болар шайтан туе ясый»;
«Бу артык инде. Мондый тәртибе белән тамашачыларга хөрмәт юк»;
«Дөнья исәре, ир кешенең шулай кылануы килешми»;
«Хатын-кызларның башы киткән Тямайдан»;
«Бөтенләй чишенеп бетә күрмәсен инде», – дип шаккаткан бер төркем.
«Ошамаса карамагыз инде», «Нинди тәнкыйть инде. Тормыш болай да соры, гомер уза ул, күңел ачсыннар. Аны бик яраталар, мин дә олы яшьтә булуыма карамастан шул исәптә. Син супер, сәламәтлек сиңа», – дип каршы төшүчеләр дә бар.
«Бу әкәмәт булды. Бу хәлнең беркайчан да булганы юк иде», «Текә булды», «Аякларыңны сакла инде», «Күптән болай көлгәнем юк», – дип шаккаткан тамаша кылучылар да, җырчыны кайгыртучылар да бар
«Мин күркәләргә шулайрак ашарга бирәм» дип чагыштырган берәү Тямайның футболкасын халыкка өстенә атуын.