Google-ը Spotify-ը կկապի իր Gemini AI օգնականին

Google-ը Spotify-ը կկապի իր Gemini AI օգնականին, ինչը թույլ կտա օգտատերերին փնտրել եւ նվագարկել երաժշտություն՝ ձայնային հարցումների միջոցով։

Այս ընդլայնումն առաջին անգամ նկատվել էր Google հավելվածի կոդում հունիսին, այժմ այն տարածվում է Android սարքերի վրա, գրում է 9to5Google-ը։ Gemini-ը կարող է նվագել՝ հիմնված երգերի, կատարողների եւ ալբոմների անվանումների վրա։ Այն, սակայն, դեռեւս չի ստեղծում երգացանկեր կամ ռադիոկայաններ Spotify-ում։

Եթե արդեն միացրել եք մեկ այլ երաժշտական ծառայություն, ինչպես YouTube Music-ը, ապա պետք է նշեք (բառերով կամ գրելով), թե որ ծառայությունն եք ցանկանում, որ
Gemini-ն օգտագործի ձեր նախնական հարցման ընթացքում, որից հետո այն լռելյայն կօգտագործի վերջին օգտագործված ծառայությունը։ Spotify-ը Google-ին չպատկանող երկրորդ հավելվածն է, որն ստանում է Gemini-ի հնարավորությունները՝ WhatsApp-ի աջակցությունը ստանալուց հետո։

Google-ի աջակցման էջում նշվում է, որ ընդլայնումը օգտագործելու համար նախ անհրաժեշտ է կապել ձեր Spotify եւ Google հաշիվները Gemini հավելվածներով այն ակտիվացնելու համար։ Դուք չեք կարողանա օգտագործել Spotify ընդլայնումը Google Messages-ում, Gemini-ի վեբ հավելվածում կամ Gemini iOS-ի հավելվածում։ Այն աշխատում է միայն, երբ Gemini-ի լեզուն նախապես սահմանված է անգլերեն։