Ғауез Нұрмұхамбетов: СҚО-да телемедициналық кешендер аумақтық денсаулықты арттырады

СҚО-да шалғай ауылдардың тұрғындары үшін телемедицина бойынша пилоттық жоба іске асырылды, деп хабарлайды Петропавловск.news.

Солтүстік Қазақстан облысының шалғай аудандарының медициналық мекемелерінде «Лимстар» атты 16 телемедициналық кешен қойылды. Аппаратура ауылдық пациенттерді тексеруге, диагноз қоюға мүмкіндік береді.

Өңір әкімі Ғауез Нұрмұхамбетов атап өткендей, «Ауылдық денсаулық сақтауды жаңғырту» ұлттық жобасы аясында 46 медициналық нысан салу жоспарланған, оның 8-і былтыр тапсырылды. Биыл 38-і салынуда. Оның ішінде дәрігерлік амбулаториялар, ФАП және медициналық пункттер бар.

— Өткен жылы Петропавлда екі емхана ашылды. Жыл соңына дейін Кішкенекөл ауылында емхананың құрылысы аяқталады. Медициналық жабдықтармен жабдықтауға 5 млрд теңге бөлінді. Ауруханаларға УДЗ, цифрлы рентген, ИВЛ, маммограф және тағы басқа аппараттар орнатылды. Кардиорталық пен қалалық ауруханаға заманауи ангиографтар қойылды. Аппараттың көмегімен кардиохирургтар жүрек пен қан тамырларына жоғары технологиялық операциялар жасайды, – деді спикер ОКҚ алаңында өткен баспасөз конференциясында.