Сурань рубежень стявтыцятнень ине подвигень историянь реконструкция (эрзя)

Сыця иестэ Покш Березникень буесэ панжови «Сурань рубежень стявтыцятненень» мемориал. Те субутасто коень коряс ютась Равчирень округонь эрицятнень ине подвигень историянь реконструкциясь.

«…чистэ, зярдо немецтне састь Московонть малас, Равонь оштнэяк кармасть лемдявомо фронтонь ошокс. 1941-це иень сундерьковонь 25-це чистэ Мордовиясо ушодовсь сокицянь-видицянь покш мобилизация. Эрявсь кепедемс кардамонь-анолдамонь пирявкст. Ды вана сынь — ават ды эйкакшт лисить Сурань чиретнес, ушодыть рубежень стявтомо, илязт юта ятонь танкатне. 67 тёжат ломанть, кельмезь модань миллионт кубометрат ды медальсэ а онкставиця подвиг. 80 вайгельбес танкань а нолдыця ровт, блиндажт, окопт, землянкат. Сурань рубежэсь стявтозель малав кавто ковтнень перть, ды уцяскас эзь маштово. Зярдо немецтнень тапизь Московонть ало — весень нолдызь кудова. Мордовиянь сядот тёжат эрицят-рубежэнь кепедицят сестэ стувтозельть. Кавто тёжаце иетнес Сурань рубежденть пек а ламот содасть ды кортасть…».

Сергей Косынкин паморьксэнь паморькс вельмевтсь сеть иетнень историянть. Сонзэ прявтсо важодемась топавтови парсте, кеме сюлмавомат кирдить ветеранонь организациятнень, поисковиктнень марто.