İOS tərtibatçıları növbəti versiyanın buraxılış vaxtına çatdıra bilmirlər

Bloomberg insayderi və jurnalist Mark Qurman bildirib ki, Apple tərtibatçıları planlaşdırılan bütün funksiyaların həyata keçirilməsi ilə ayaqlaşmırlar. Onun sözlərinə görə, iOS 18-də gecikmələr 2025-ci ildə iOS 19-un gələcək buraxılışına da təsir edəcək.

Mark Qurman X-də yazıb ki, iOS 18 üçün funksiyaların təqdim edilməsinin gecikməsi iOS 19-un buraxılışına da təsir edəcək. Onun sözlərinə görə, Apple işçiləri hələ də iOS 18 üçün elan edilmiş bütün yenilikləri yekunlaşdırmaqda ilişib qalıblar, halbuki onlar artıq əməliyyat sisteminin növbəti versiyasına keçməli idilər.

Xatırladaq ki, Apple iOS 18-i Apple Intelligence süni intellekt funksiyaları olmadan buraxmışdı. Şirkət onları tədricən iOS 18.1-də təqdim etməyə başladı və 2025-ci ilin aprelində buraxılması gözlənilən iOS 18.4-də böyük dəyişikliklər hazırlayır.

Bu gecikmə səbəbindən Apple gələn il məhdud funksiyalar dəsti ilə iOS 19-u buraxmalı və sonra onu yeniləmələrlə tamamlamalıdır.

The post İOS tərtibatçıları növbəti versiyanın buraxılış vaxtına çatdıra bilmirlər appeared first on InfoCity.