«Үлем ризыгы». Ташбака ите ашагач, сигез бала һәм бер өлкән кеше үлгән
Занзибарда диңгез ташбакасы итен ашагач, тугыз кеше – сигез бала һәм бер баланың анасы үлгән. Тагын 78 кешене хастаханәгә китергәннәр. Бу турыда шимбә хәбәр иткәннәр, дип яза «Московский комсомолец».
Занзибарда диңгез ташбакасы ите деликатес булып санала. Ләкин аны ашаучылар арасында үлүчеләр даими рәвештә очрый. Алар азык-төлек белән агулануны бер төре - хелонитоксизмнан үлә. Аның төгәл сәбәбе билгеле түгел, ташбакалар ашый торган суүсемнәргә бәйле дип фаразлана.
Мәрхүмнәр ташбака итеп сишәмбе ашаган, җомга кич белән өлкән кеше үлгән. Лаборатория тестлары мәрхүмнәрнең барысы да ташбака итен ашавын раслаган.
2021 елның ноябрендә 7 кеше, шул исәптән 3 яшьлек бала ташбака итен ашагач үлгән булган. Тагын 3 кешене хастаханәгә салганнар.
Ташбака ите белән агулану өлкән кешеләргә, балаларга бик начар тәэсир итәргә мөмкин, ләкин сәламәт олы кешеләр дә зыян күрүе ихтимал, дип хәбәр итә Ташбакалар фонды.