Аҕа саастаах Саха сирин үтүөлээх этээччитэ Евдокия Батюшкина: Оһуохайбыт саҥа тыыннанна!
Оһуохай түмсүү кыттааччыларын, этээччилэри кытта билсиһии суруйууларбытын салҕыы ыытабыт. Ол курдук, бүгүн биһиэхэ ыалдьыттыыр Саха сирин биир ытык, аҕа саастаах Оһуохай үтүөлээх этээччитэ Батюшкина Евдокия Васильевна — Халыма Кыыһа: — Мин, Батюшкина Евдокия Васильевна диэммин, билигин 87 саастаахпын. Бэйэм Орто — Халыматтан төрүттээхпин, 13 сааспыттан үлэҕэ эриллэн, буһан — хатан, барыта […]
Сообщение Аҕа саастаах Саха сирин үтүөлээх этээччитэ Евдокия Батюшкина: Оһуохайбыт саҥа тыыннанна! появились сначала на Сетевое издание SAKHALIFE.RU.
Оһуохай түмсүү кыттааччыларын, этээччилэри кытта билсиһии суруйууларбытын салҕыы ыытабыт. Ол курдук, бүгүн биһиэхэ ыалдьыттыыр Саха сирин биир ытык, аҕа саастаах Оһуохай үтүөлээх этээччитэ Батюшкина Евдокия Васильевна — Халыма Кыыһа:
— Мин, Батюшкина Евдокия Васильевна диэммин, билигин 87 саастаахпын. Бэйэм Орто — Халыматтан төрүттээхпин, 13 сааспыттан үлэҕэ эриллэн, буһан — хатан, барыта 12 сыл үлэлээн кэлбитим, икки ньирэйинэн наҕараадаламмытым, үлэ ударнига буолбутум, онтон улуус киин балыаһатыгар 32 сыл үлэлээн биэнсийэҕэ тахсыбытым, үлэ бэтэрээнэ аатын ылбытым уонна да араас бочуотунай наҕараадалары тутан син дьон тэҥэ сылдьыбытым.
Кэргэним суох буолбутун кэннэ, Орто — Халыматтан көһөн кэлбитим, оҕолорум куоракка баар этилэр, миигин ыҥыран ылбыттара, соҕотох олоруоҥ дуо диэннэр.
Дьокуускайга 1996 сыллаахха кэлэн баран Гаврил Гаврильевич Сыромятников салайааччылаах Оһуохай түмсүүгэ кассирдаабытым. Орто — Халымаҕа Оһуохай, этээччи да суох этэ, бастаан манна кэлэн баран үчүгэйдик билбитим, оһуохайдыыр, кынаттаһар буолбутум.
Ол саҕана араас дьон баар этилэр, хомойуох иһин, үксүлэрэ баран хааллылар, тарбахха баттанар аҕыйах киһи билигин тыыннаахпыт. Элбэх үчүгэй этээччи, Дархан этээччилэр бааллара, ол курдук, үс Николай Егоровичтар — Петров, Прокопьев, Тимофеев, Степан Яковлев,
кинилэр улахан этээччилэр этэ.
Билигин хаһан эмэ Оһуохайга сылдьар буоллум, Оһуохайбын үрдүктүк сыаналыыбын.
Саха Сирин салалтата, ол курдук, Өрөспүүбүлүкэ баһылыга Айсен Николаев, билиҥҥи түмсүүбүт салайааччыта Александр Данилов Оһуохайбытын өрө тутуу, сайыннарыы үлэтин ыытан, билигин түмсүүбүт, Оһуохайбыт саҥа тыыннанна, эдэр ыччаттан этээччилэр элбээбиттэрэ киһини үөрдэр!
Аныгы көлүөнэ биһигини солбуйдун, ыллыы — туойа сырыттыннар, Оһуохайы таптаатыннар, үөрэ — көтө сырыттыннар, эйэлээх буоллуннар!
Сообщение Аҕа саастаах Саха сирин үтүөлээх этээччитэ Евдокия Батюшкина: Оһуохайбыт саҥа тыыннанна! появились сначала на Сетевое издание SAKHALIFE.RU.