Петросянның яшь хатынын өченче балалары белән котлыйлар

35 яшьлек Татьяна Брухунова сәяхәт итәргә ярата. Бу юлы сатирикның хатыны Карелия буйлап круизга китә. Татьяна үзенең әнисе һәм сигез айлык кызы Матильда белән юлга чыккан. Бу кызларының беренче сәяхәте. Ә 78 яшьлек Петросян дүрт яшьлек Ваган белән Мәскәүдә калган. Евгений Ваганович хатынының сәяхәтен онлайн күзәтеп бара һәм фотоларына лайк куя.

Модалы образларында төшкән фотолардан тыш, Татьяна кечкенә Матильда белән төшкән фотосын да урнаштырган. Брухунова зәңгәр ефәк күлмәк, Dior балеткасын кигән, башына күк өчпочмаклы яулык бәйләгән. Матильдасына ул үзенең яулыгы төсендәге джемпер кидергән. Татьянаның язылучылары модалы образына түгел, ә аның түгәрәкләнгән корсагына игътибар иткәннәр.

«Дөрес яздылармы ул, сезнең өченче балагыз булачак! Котлыйбыз», – дип язган бер Татьяна исемле язылучы.

Фото: © www.kp.ru/социаль челтәрләр

Брухунова моңа җавап биреп болай дигән: «Язганнардан чыгып караганда, минем инде унынчы балам туарга тора! Ничек шулай килеп чыга соң: я мин баланы үзем тапмыйм, я мин ел саен авырлы?!»

Барысы да ракурс һәм теләсә нәрсәне билгеләп күрсәтүче күлмәк тукымасы аркасында дип уйлыйбыз. Моннан тыш, сатирикның хатыны сәяхәттә бик тәмле ашатулары хакында язган иде.

«Көне буе палубада булдык. Кояшта җылынып, тәмле итеп ашадык, кино карадык, һәм әлбәттә, күзләрне назлый торган пейзаж карап бардык», – дип уртаклаша ул.

Шулай ук Брухунова берничә көн элек алар давылга эләгеп, Кижи утравы янында тукталганнарын хәбәр итә. Һава торышы тынычлангач, алар сәяхәтләрен дәвам иткәннәр, дип яза «Комсомольская правда».