Bina və qurğuların tikintisi və sökülməsi ilə bağlı normalar müəyyənləşdi
Day.Azпредставляет новость на азербайджанском языке: Fövqəladə Hallar Nazirliyi "Tikintinin təşkili" Azərbaycan Respublikasının Dövlət Tikinti Normalarının (AzDTN) təsdiq edib. APA-nın məlumatına görə, AzDTN müvafiq qaydada verilmiş tikintiyə icazə əsasında yeni bina və qurğuların (tikinti obyektləri) inşasına, mövcud tikinti obyektlərinin yenidən qurulmasına və sökülməsinə, eləcə də ərazilərin abadlaşdırılmasına və mühəndis hazırlığına şamil olunur. Elektrikötürücü xətlər, rabitə xətləri, boru kəmərləri və digər texniki infrastruktur obyektləri, o cümlədən dəmiryolu zolağında, avtomobil yolları və digər nəqliyyat yolları üçün ayrılmış zolaqlarda bu növ obyektlər inşa edilərkən əlavə olaraq şəhərsalma və tikintiyə dair normativ sənədlərin tələbləri nəzərə alınmalıdır.