Дэри ерос библиотекаын 90 аресэныз зечкылазы Елизавета Ивановна Камашеваез. Секыт сюресэз ортчемын Лиза апай. Семьязы репрессиос улэ шедемен, солы дышетскыны 2 ар но 3 толэзь гинэ кылдэмын. Озьы ке но, солэн визьлыкезлы но сабырлыкезлы синмасько тодосчиос но. Со уно портэм турын-куаръес сярысь вераны быгатэ, троссэ соосты эмъяськонэ кутэ. Та сярысь биологи тодосъя докторен Виктор Туганаевен чош книга но поттизы. "Лиза апайлэн лякыё шобретэз" нимаськиз со. Со сяна, Елизавета Ивановна юн кусып возе элькунысьтымы репрессиос улэ шедемъеслэн мерлыко огазеяськонэнызы. Дэри черко гуртын, соосты буре вайыса, синпелет но пуктыны быгатиз. Инкуазен кусып воземез но капчи мылкыдо луэмез кужым сётэ солы улонын но. «Азвесь ошмесъеслэн шаерзы» сузьетысь радиоверанын со сярысь верало Галина Жуйкова, Светлана Зверева, Лидия Биянова, Назиля Куштанаева но ачиз Лиза апай#РадиоРоссииУдмуртия
