Сыватмăша тăватă ял халăхĕ çӳрет

Чăваш Енре сывлăх сыхлавĕн тытăмĕ палăрмаллах çĕнелет. Сыватмăшсем çĕкленеççĕ, вĕсем çĕнĕ хатĕрсемпе, автомашинăсемпе пуянланаççĕ. Наци проекчĕпе килешӳллĕн, çитес çулсенче тата нумай çĕнĕлех пулмалла. Иртнĕ пилĕк çулта республикăра 200 яхăн фельдшерпа акушер пункчĕ уçнă. Сĕнтĕрвăрри районĕнчи Кукашнири сыватмăш мĕнле ĕçленипе эпир те паллашрăмăр.