UzAuto Motors нархнинг 30 фоизини аввалдан тўлаб 3 йилга 20 фоиз устама билан автомобиль харид қилишни таклиф қилди

UzAuto Motors компанияси аҳолига қулайлик яратиш мақсадида юридик ҳамда жисмоний шахслар учун «Ўзавтосаноат Лизинг» тизмини жорий қилди деб хабар беради Evryday.uz нашри. Унга кўра, юридик шахслар Chevrolet Malibu Turbo 1.5 ҳамда Tracker автомобилларининг 30% нархини тўлаб, қолган суммасини 3 йил давомида йиллик 20% устама билан харид қилишлари мумкин. Шунингдек, жисмоний шахслар учун Tracker LT M/Т ҳамда Tracker Premier AT автомобилларини худди шундай шартлар билан ҳарид қилиш имконияти пайдо бўлди. Шартномалар шу йилнинг 28 февралига қадар берилади.