Пĕтĕмĕшле аван

Çурт-йĕр патшалăх тĕрĕслевĕсен шучĕ кăçал виçĕ хут чакнă пулин те, саккуна пăснă тĕслĕхсем сахал мар тупса палăртнă. Сăмахран, коммуналлă пулăшусемшĕн çынсенчен 800 пин тенкĕ ытла тĕрĕс мар илнĕ укçана каялла тавăрнă. Тĕплĕ юсавшăн та кирлинчен нумайрах шутласа пани тĕл пулкаланă. Кун пирки Чăваш Республикин Патшалăх çурт-йĕр инспекцийĕнче иртсе пыракан çулталăка пĕтĕмлетнĕ май пĕлтерчĕç.