Çу уйăхĕнчи уявсене хатĕрленмелле

Çу уйăхĕнчи уявсем кăçал еплерех пулассине республика ертӳлĕхĕн ларăвĕнче татса пачĕç. Çуркуннепе ĕç уявĕнчи митинг-демонстраци çу уйăхĕн 1-мĕшĕнче он-лайн мелпе пулать. Çĕнтерӳ кунĕнче вара ытти çулсенчи пекех Шупашкар урамĕпе çар техники иртĕ. Анчах та йăлана кĕнĕ «Вилĕмсĕр полк» пуçару, Хусанпа Сăр хӳтĕлев чиккисене тăвакансен çулталăкне халалланă «Ĕç фрончĕн паттăрĕсем»  акцие Интернет уçлăхĕнче йĕркелĕç.