Олимп вăййинче — Чăваш Енри 4 спортсмен

Токио хулинче иртекен 32-мĕш Олимп вăййисене Чăваш Ен ывăл-хĕрĕ те хутшăнать. Владислав Поляшов тата Елена Герасимова гимнастсем, ирĕклĕ майпа кĕрешекен Сергей Козырев тата шăчăпа сикекен Анжелика Сидорова Раççейĕн пĕрлештернĕ ушкăнне кĕнĕ. Видеоçыхăну мелĕпе вĕсемпе Чăваш Республикин Пуçлăхĕ Олег Николаев калаçрĕ.