Նոել Գեւորը սեպտեմբերի 5-ին բարդ ու ծանր հանդիպում է ակնկալում
«Սա այս տարվա իմ առաջին մենամարտն է լինելու: Ես արդեն մեկ ամիս է մարզվում եմ ու պատրաստվում այդ դիմակայությանը»,- ասել է Գերմանիան ներկայացնող հայ բռնցքամարտիկը:
Գեւորի խոսքով, Սանաբրիան բարդ մրցակից է, ինչպես բոլոր արգենտինացի բռնցքամարտիկները, որոնք սիրում են կռվել. «Ակնկալում եմ, որ բարդ ու ծանր հանդիպում է լինելու»:
Նոել Գեւորի համար դա 19-րդ հանդիպումն է լինելու, նախորդ բոլոր մենամարտերն ավարտվել են նրա հաղթանակով: