«Թել-Սել»-ը Տնօրենների խորհրդի նոր նախագահ ունի
Տեղի է ունեցել «Թել-Սել» ՓԲԸ-ի Տնօրենների խորհրդի նիստը, որտեղ Արտաշես Ավետիսյանն ընտրվել է «Թել-Սել»-ի Տնօրենների խորհրդի նախագահի պաշտոնում։
«Թել-Սել»-ում նշել են, որ Արտաշես Ավետիսյանը մինչ այդ՝ 2009-2014 թթ., զբաղեցրել է ՀՀ տրանսպորտի եւ կապի փոխնախարարի պաշտոնը։
««Թել-Սել» Տնօրենների խորհրդի նախագահի պաշտոնում ես մտադիր եմ բարձրացնել կազմակերպության աշխատանքի արդյունավետությունը, զարգացման տեմպերը, որպեսզի միշտ պատրաստ լինենք շուկայի մարտահրավերներին։ Այս ոլորտում դեռ կան բացեր, որոնք կլրացնենք «Թել-Սել»-ի հմուտ թիմի հետ, ովքեր իրենց նվիրական աշխատանքով եւ կազմակերպության վճարումների ընդունման շուկայի առաջատարի դիրքով ապացուցել են, որ կարող են ավելին»,- հայտարարել է Արտաշես Ավետիսյանը։