Ача сачĕ алăксене уçрĕ
Çитес çул Шупашкарти 10 ача садне тĕпрен юсаса çĕнетмелле. Проектпа смета докуменчĕсем хатĕр. Кăçал вара тĕп хулари 11 ача сачĕ тĕпрен улшăнĕ. Хыснаран 318 миллион тенкĕ ытла уйăрнă. Чӳк уйăхĕн 1-мĕшĕччен пурне те хута ямалла. 85-мĕш ача сачĕ вара шăпăрлансене паян йышăнма пуçларĕ. Куншăн ачасемпе тата ашшĕ-амăшĕпе пĕрле пирĕн пултарулăх ушкăнĕ те савăнчĕ. Таврара хаваслă кĕвĕ янăрать. Кривов урамĕнчи 7-мĕш çуртра çур çула яхăн шăплăх хуçаланнă хыççăн тинех ача-пăча шавĕ хуçаланма тытăнчĕ. Юсанса çĕнелнĕ са
<p><span>Çитес çул Шупашкарти 10 ача садне тĕпрен юсаса çĕнетмелле. Проектпа смета докуменчĕсем хатĕр. Кăçал вара тĕп хулари 11 ача сачĕ тĕпрен улшăнĕ. Хыснаран 318 миллион тенкĕ ытла уйăрнă. Чӳк уйăхĕн 1-мĕшĕччен пурне те хута ямалла. 85-мĕш ача сачĕ вара шăпăрлансене паян йышăнма пуçларĕ. Куншăн ачасемпе тата ашшĕ-амăшĕпе пĕрле пирĕн пултарулăх ушкăнĕ те савăнчĕ. Таврара хаваслă кĕвĕ янăрать. Кривов урамĕнчи 7-мĕш çуртра çур çула яхăн шăплăх хуçаланнă хыççăн тинех ача-пăча шавĕ хуçаланма тытăнчĕ. Юсанса çĕнелнĕ садик алăкне çĕнĕрен уçрĕ. Пĕчĕккисен питĕнче йăл кулă çиçет. Ашшĕ-амăшĕ те тĕпренчĕкĕсемпе пĕрле савăнать. ИРИНА ИВАНОВА: «Эпир Лерăпа çак садик уçăласса тахçантанпах кĕтетпĕр. Вăл часрах уçăлтăр тесе воспитателе пулăшма та килтĕмĕр. Чӳрече çурăмăр, игрушкăсене çуса патăмăр». АЛЕНА КОНДРАТЬЕВА: «Ман ача питĕ хаваспах çӳрет, савăнать. Килĕштерет çак садике. Садикĕ хитре, таса, лайăх. Манăн ача çакăнта çӳренĕшĕн питĕ савăнать». 1970-мĕш çулта туса лартнă çурта халь тĕпрен юсанă. Тулашне илемлетнĕ, çивĕттине улăштарнă, канализаци тытăмне тата шыв пăрăхĕсене çĕнетнĕ. – Каласа парăр-ха, тархасшăн, сирĕн ача сачĕ юсав хыççăн мĕнле ылмашĕнчĕ-ха? ЛАРИСА НИКИФОРОВА: «Юсав хыççăн пирĕн ача сачĕ пĕтĕмпех ылмашăнчĕ: коридорсенче те, пӳлĕмсенче те. Пур çĕрте те пирĕн илемлĕ. Çакăнта коридорта та хулан паллă вырăнĕсене курма пулать. Акă, тĕслĕхрен, чăваш драма театрĕ. Çакăнта ачасем килеççĕ, ашшĕ-амăшĕсемпе пăхаççĕ, паллашаççĕ, пĕр-пĕрне каласа параççĕ». – Апла пулсан эсир пĕчĕкренех ачасене хула историпе те паллаштаратăр? – Çапла. Ача садĕнченех пирĕн историпе, чăваш йăли-йĕркипе паллашаççĕ. Хăтлă çуртра 140 ытла ача вăхăта усăллă ирттерет. Вăл кашни ир 6 ушкăнри ачасене йышăнать. АЛИНА СУСМЕТОВА: «Тăватă уйăх каялла çеç çакăнта çара стенасем пулнă. Халĕ вара кунта ачасене вĕренмелли, тавракурăмне аталантармалли темĕн те пур. Çутă та илемлĕ пӳлĕмсем. Çак хăтлăха кĕртме хыснара 33 миллион ытла тенкĕ уйăрнă».</span></p>