Обама 14 яшар Аҳмадни “антиқа соат”ини кўрсатиш учун Оқ уйга таклиф қилди

Техаснинг Ирвинг шаҳарчасида ўзи ясаган рақамли соатни физика ўқитувчисига кўрсатиш учун олиб келган 9-синф ўқувчиси Аҳмад Муҳаммад бу ихтироси учун тақдирланиш ўрнига¸ қўлига кишан солинган ҳолда ҳибсхонага олиб кетилди. Аҳмаднинг исми ва дини боис бундай адолатсизликка асос бўлгани ҳақида ижтимоий тармоқларда бошланган норозилик оқибатида ўспирин бир кунда ўзига хос қаҳрамонга айланди ва шахсан АҚШ президенти томонидан Оқ уйга таклиф этилди.