Քերրի. Հայաստանի հետ ԱՄՆ-ի հարաբերությունները ամուր են քան երբևէ
![Քերրի. Հայաստանի հետ ԱՄՆ-ի հարաբերությունները ամուր են քան երբևէ](http://gdb.rferl.org/C99359E0-396C-4B53-881D-4419ABD00B42_w800_h450.jpg)
Միացյալ Նահանգները բարձր է գնահատում Հայաստանի հետ հարաբերությունները. դրանք ամուր են քան երբևէ, այդ մասին ասվում է ԱՄՆ պետքարտուղար Ջոն Քերրիի` Հայաստանի Անկախության տոնի առթիվ հղած ուղերձում:
«Նախագահ Բարաք Օբամայի և Միացյալ Նահանգների ժողովրդի անունից լավագույն մաղթանքներն եմ հղում հայ ժողովրդին, որը սեպտեմբերի 21-ին տոնում է Անկախության օրը», - գրել է Քերրին` ընդգծելով, որ երկկողմ ջերմ հարաբերությունների ապացույցը Հայաստանի տնտեսության մեջ կատարված ամերիկյան աննախադեպ ներդրումներն են:
«Մենք շնորհակալ ենք միջազգային խաղաղապահ առաքելություններին մասնակցող հայկական ուժերի նվիրվածության և անձնազոհության համար և գնահատում ենք մեր երկու ժողովուրդների մշակութային կյանքը հարստացրած հայերի բազմաթիվ նվաճումները», - հայտարարարել է ԱՄՆ պետքարտուղարը` ընդգծելով, որ Միացյալ Նահանգները անկախության 24-րդ տարեդարձը նշող Հայաստանի գործընկերն է ու բարեկամը:
«Մենք լիովին սատարում ենք Հայաստանի անվտանգությունը, բարգավաճումը և ժողովրդավարական զարգացումը», - ասված է Քերրիի ուղերձում: