Арменияда ҰҚШҰ бітімгершілік күштерінің «Мызғымас бауырластық-2015» бірлескен оқу-жаттығулары өтеді

МӘСКЕУ. ҚазАқпарат - 2015 жылғы 30 қыркүйек мен 4 қазан аралығында Армения Республикасының «Баграмян» полигонында Ұжымдық Қауіпсіздік туралы Шарт Ұйымына мүше елдер бітімгершілік күштерінің «Мызғымас бауырластық - 2015» бірлескен оқу-жаттығуларын өткізу жоспарланып отыр. Аталған шара Қорғаныс министрлері кеңесі және ҰҚШҰ Қауіпсіздік кеңестері комитетінің 2014 жылдың желтоқсан айында қабылдаған шешіміне сәйкес өткізіледі.