«Манăн çĕршыв — манăн Раççей»
«Манăн çĕршыв — манăн Раççей» конкурс çулсерен вăй илсе пырать. Унта 14 çултан пуçласа 35 çулчченхи çамрăксем хутшăнма пултараççĕ. Кашни хăйĕн регионĕ валли усăллă проект хатĕрлесе хӳтĕлемелле. Республика Пуçлăхĕ Олег Николаев ĕçлĕ çӳл çӳревпе Мускавра пулнă чухне Шупашкарти 59-мĕш шкулта пухăннă яш-кĕрĕмпе видеоçыхăну мелĕпе «тĕл пулчĕ». Пĕлтĕрхи конкурсра мала тухнă Олеся Матвеева та кăçалхи ăмăртуçăсене саламларĕ.