Ватăсене пулăшу
.jpg)
Чăваш Ен тĕп хули ветерансемпе вăрçа хутшанакансем валли таксипе тӳлевсĕр çӳремелли программăна кĕнĕ. Çак пулăшупа ветерансем усă курса кирек ăçта та çула тухма пултараççĕ. Тăван çĕршывăн Аслă вăрçине хутшăнакан Агриппина Янович çак пулăшăва мĕнле хаклать? Кун пирки – пирĕн черетлĕ сюжетра тĕплĕнрех. Агриппина Алексеевна тӳлевсĕр такси пирки иртнĕ çул илтнĕ. Ку пулăшупа вăл темиçе хутчен те усă курнă ĕнтĕ. Ветеран сыватмăша е дачăна кайнă чухне такси чĕнет. Çăмăллăх ун çул çӳревне чылай çăмăллатать. АГРИППИ
<p>Чăваш Ен тĕп хули ветерансемпе вăрçа хутшанакансем валли таксипе тӳлевсĕр çӳремелли программăна кĕнĕ. Çак пулăшупа ветерансем усă курса кирек ăçта та çула тухма пултараççĕ. Тăван çĕршывăн Аслă вăрçине хутшăнакан Агриппина Янович çак пулăшăва мĕнле хаклать? Кун пирки – пирĕн черетлĕ сюжетра тĕплĕнрех. Агриппина Алексеевна тӳлевсĕр такси пирки иртнĕ çул илтнĕ. Ку пулăшупа вăл темиçе хутчен те усă курнă ĕнтĕ. Ветеран сыватмăша е дачăна кайнă чухне такси чĕнет. Çăмăллăх ун çул çӳревне чылай çăмăллатать. АГРИППИНА ЯНОВИЧ: «Пӳрт умне пырса ларать. Эпĕ хăвăрт тухатăп та ларатăп та хамăн дача алăкĕ патне çитиччен мана илсе кайса хăвраççĕ. Шутсăр кăмăллă. Шутсăр лайăх. Урасем ытлах итлесшĕн мар. Эпĕ япăх утатăп та. Такси çине ларни, таксипе вырăна вăхăтра çитни мана шутсăр меллĕ». Халăха социаллă пулăшу кӳрекен центра Агриппина Янович сывлăхне çирĕплетме çӳрет. Ветеран çăмăллăхпа хальхинче те усă курчĕ. РЕНАДА ФЕДОРОВА: «Ытларах вăрçă ветеранĕсем вĕсем больницăсене сывлăха тĕрĕслеме çӳреççĕ. Пирĕн пата социаллă учрежденисене çӳреççĕ. Камăн хулара дачăсем пур. Дачăсене те таксисемпех каяççĕ. Пĕрле кайнă чухне йывăртарах пулсан тăванĕсем те пĕрле çӳреççĕ. Кашни уйăхра вĕсем пирĕн 12 хутчен çӳреме пултараççĕ. Вăрçă ветеранĕсене пулăшни питĕ тĕрĕс тесе шутлатăп. Вĕсене пулăшса пымалла». Тӳлевсӗр такси пулӑшӑвӗпе вӑрҫӑ ветеранӗсем виҫҫӗмӗш ҫул усӑ кураҫҫӗ ӗнтӗ. АГРИППИНА ЯНОВИЧ: «Соцработниксем вĕсем питĕ кăмăллă ĕçченсем. Çавăнпа та çакăнта ĕçлеçсĕ пуль ĕнтĕ. Паян çакăнта таксипе килнĕ чухне пусмапа анма пулăшрĕ. Такси çине алăран тытса ларма пулăшрĕ. Кăмăллă çынсем ĕçлеççĕ». Хальхи вӑхӑтра Тӑван çӗршывӑн Аслӑ вӑрҫин ветеранӗсем валли таксипе тӳлевсӗр ҫӳремелли программа Раҫҫейӗн 42 хулинче, ҫавӑн пекех Мускав облаҫӗнче ӗҫлет</p>