Реабилитаци центрĕ уçăлчĕ

Паян Федерацин травматологи, ортопеди тата эндопротезировани центрĕнче çĕнĕ реабилитаци корпусĕ уçăлчĕ. Чăваш Енре, çавăн пекех çĕршывăн тĕрлĕ кĕтесĕнче пурăнакансен халĕ артроскопи тата спорт медицин енĕпе хушма пулăшăва тивĕçме май пур. Центр пациентсене хăçан йышăнма пуçлĕ? Хуравне Юлия Адюкова пĕлет. Федерацин травматологи, ортопеди тата эндопротезировани центрĕнче 13 çулта 90 000 ытла пациент паха медицина пулăшăвне тивĕçнĕ. Артропластика тăвас кăтартусемпе вара Шупашкарта вырнаçнă медицина учрежденийĕ çĕршывра иккĕмĕш вырăн йышăнать. Центра хăйне евĕрлĕ, йывăр операцисем тăваççĕ. Вĕсем хыççăн пациента малтанхи пурнăç йĕркине хăнăхтарасси те медицина ĕçченĕсен тĕп тĕллевĕ шутланать. Халĕ ку енĕпе реабилитаци центрĕ пулăшĕ. РОЗА ПЕТРОВА: «Çĕнĕлле врачсем, врач физической ребаилитаци тетпĕр ĕнтĕ эпир вĕсене, Паян мĕнле пулăшма пултараççĕ вĕсем, физиотерапия, лечебная физкультура, массаж методикисем, мануальный, иголки лартакан методикисем эпир пурне те хамăр ĕçре малалла ĕçлеме пуçлатпăр. Кунне ĕнтĕ эпир 200 пациент таран кĕтетпĕр. Врачĕсем пирĕн йышăнаççĕ. Эпир вĕсене пурне те вĕрентсе кăларнă». Корпусра артроскопи тата спорт медицин уйрăмĕсем те хута кайрĕç. Çак çĕнĕлĕх çамрăк спортсменсемшĕн тата ушкăнсемшĕн уйрăмах пĕлтерĕшлĕ. Центрта хальхи йышши пысăк технологиллĕ оборудованисем вырнаçтарнă. МИХАИЛ ИВАНОВ: «Ку условисенче тухтăрсене те ĕнтĕ ĕçлеме çăмăлрах, мĕншĕн тесен палатисем хитре, ĕç вырăнĕсем питĕ лайăх. Çавăнпа та ĕçе килес килет кашни кун». Реабилитаци центрĕ çĕртме уйăхĕн 21-мĕшĕнчен пĕрремĕш пациентсене йышăнма пуçлĕ. Вăл пулăшнипе сывлăх енчен йывăрлăх тÿсекен пин-пин çын пурнăç илемĕпе çĕнелле савăнма пултарĕ. Юлия Адюкова, Сергей Емельянов