Իշխան Սաղաթելյանն կազատվի ԱԺ փոխխոսնակի պաշտոնից

ԵՐԵՎԱՆ, 28 հունիսի./ԱՌԿԱ/. Ընդդիմադիր երկու պատգամավորներ Իշխան Սաղաթելյանը և Վահե Հակոբյանը, կազատվեն զբաղեցրած պաշտոններից՝ համապատասխանաբար ՀՀ ԱԺ փոխխոսնակի և հանձնաժողովի ղեկավարի պաշտոններից։

«Իշխող «Քաղաքացիական պայմանագիր» խմբակցությունը որոշում է կայացրել «Հայաստան» ընդդիմադիր խմբակցությունը ներկայացնող Իշխան Սաղաթելյանին հեռացնել Ազգային ժողովի փոխնախագահի պաշտոնից, իսկ Վահե Հակոբյանին՝ ԱԺ տնտեսական հարցերի մշտական ​​հանձնաժողովի նախագահի պաշտոնից», - հայտնել է  ՔՊ խմբակցության քարտուղար Արթուր Հովհաննիսյանը Facebook-յան իր էջում։

ՀՀ վարչապետ, ՔՊ կուսակցության նախագահ Նիկոլ Փաշինյանը նախօրեին չէր բացառել, որ խորհրդարանի իշխող խմբակցությունը կքննարկի ընդդիմադիր պատգամավորներին մանդատից զրկելու հարցը։ Հիմնավորումը Ազգային ժողովի ընթացիկ նստաշրջանի նիստերի կեսից ավելիին ընդդիմադիր պատգամավորների բացակայությունն է։

Մայիսի 3-ից «Հայաստան» և «Պատիվ ունեմ» ընդդիմադիր խմբակցությունները ամբողջ կազմով բոյկոում        էին խորհրդարանի նիստերը՝ կազմակերպելով հանրահավաքներ և անհնազանդության ակցիաներ։ Նրանք պահանջում էին Փաշինյանի հրաժարականը՝ պնդելով, որ վերջինս հակապետական ​​քաղաքականություն է վարում և չի կարողանում ապահովել Հայաստանի և Արցախի անվտանգությունը։-0-