Шырав отрячĕсен форумĕ иртĕ
Утă уйăхĕн 2-мĕшĕнче Чăваш Енре студентсемпе шкулти шырав отрячĕсен регионсен йышĕнчи форумĕ иртет. Ăна Сăрпа Хусан хӳтĕлев чиккине тăвакансене халалланă. Форума Етĕрне тăрăхĕнче ирттерме палăртнă. Форума ирттерме Етĕрне тăрăхне ахальтен суйласа илмен. Кунта 40-мĕш çулсенчи çуртсен ишĕлчĕкĕсем юлнă. Тĕрĕссипе ку историллĕ вырăн шутланать. Ырă пуçарăва пурĕ 200 яхăн отряд хутшăнмалла. Вĕсем Тутарстан, Мордови, Пенза, Саратов облаçĕсенчен килсе çитĕç. Чăваш Енрен форума 12 шкул тата студентсен 3 шырав отрячĕ хутшăнĕ. Хĕрсемпе каччăсем валли спорт ăмăртăвĕсем, çĕршыв шайĕнчи специалистсемпе тĕл пулусем те йĕркелĕç. Шырав юхăмĕн тата хальхи вăхăтри истори аталанăвĕ пирки калаçĕç