Гүзәлем: «Гомеребезнең иң зур сәфәренә юл тоттык»

«Безне югалтмагыз. Гомеребезнең иң зур сәфәре. Аллаһы йортына юл тоттык.

Бу елны Ул безне куннакка чакырды. Исән-сау әйләнеп кайтырга насыйп булсын. Хаҗларыбызны кабул итсен. Амин.

Ихластан һәрберегезгә шундый ук бәхет насыйп булуын телибез!» – дип язган Гүзәлем телеграм каналында.

«Кабуллардан булсын хаҗларыгыз. Амин», «Хәерле юллар сезгә», «Уңышлы сәфәрләр», – дип, хәер-фатыйха биргән җырчының язылучылары.

Берәү әллә уйнап, әллә чынлап: «Анда да концерт куясызмыни?» – дигән.

Изге ниятләр белән ерак сәфәргә кузгалучы җырчы гаиләгә без дә хәерле юллар теләп калабыз.