Çĕнĕ Шупашкарти шкул ачисем конкурсра çĕнтернĕ
![Çĕнĕ Шупашкарти шкул ачисем конкурсра çĕнтернĕ](http://www.ntrk21.ru/../UserFiles2019/video/202209/55(5).jpg)
Чăваш Енре туризм малашлăхĕ пур. Çакна çамрăк ăру хăйĕн çитĕнĕвĕсемпе çирĕплетет. Çĕнĕ Шупашкарти 9-мĕш шкулта вĕренекенсем «Эпĕ Раççее тĕпчетĕп. Çĕршыв тăрăх уçăлса çӳрени» конкурсра çĕнтернĕ. Унăн финалĕ Питĕр хулинче иртнĕ. Çĕнĕ хавхалану ачасене шкул музейне çĕнетме май панă. Еплерех улшăнусем çинчен сăмах пырать? Хуравне Юлия Адюкова репортёр пĕлет. Тимурпа Степан 9-мĕш класра çеç вĕренеççĕ-ха. Çамрăк пулсан та арçын ачасем тăван ене, унăн историйĕпе хальхи пурнăçне, халăх йăли-йĕркине тĕпчеме кăмăлла
<p>Чăваш Енре туризм малашлăхĕ пур. Çакна çамрăк ăру хăйĕн çитĕнĕвĕсемпе çирĕплетет. Çĕнĕ Шупашкарти 9-мĕш шкулта вĕренекенсем «Эпĕ Раççее тĕпчетĕп. Çĕршыв тăрăх уçăлса çӳрени» конкурсра çĕнтернĕ. Унăн финалĕ Питĕр хулинче иртнĕ. Çĕнĕ хавхалану ачасене шкул музейне çĕнетме май панă. Еплерех улшăнусем çинчен сăмах пырать? Хуравне Юлия Адюкова репортёр пĕлет.</p>
<p>Тимурпа Степан 9-мĕш класра çеç вĕренеççĕ-ха. Çамрăк пулсан та арçын ачасем тăван ене, унăн историйĕпе хальхи пурнăçне, халăх йăли-йĕркине тĕпчеме кăмăллаççĕ. Çак енпе вĕсем пĕрле вĕренекенсенчен самай нумайрах пĕлеççĕ. Ку ахальтен мар. Арçын ачасем Раççейри шкул ачисен юхăмĕн проектне хутшăннă. Унпа килĕшӳллĕн вĕсем çурçула яхăн онлайн мелĕпе экспозицисем йĕркелеме вĕреннипе пĕр танах музей ĕçĕн вăрттăнлăхĕсене тишкернĕ. Вĕренӳ тапхăрĕнче хастарлăхпа палăрнă 25 ушкăн финала лĕкнĕ. Вĕсен шутĕнче Çĕнĕ Шупашкарти 9-мĕш шкулта вĕренекенсем те пулнă. Питĕр хулинче ачасем Раççейри географи обществин хастарĕсемпе тĕл пулнă, ăсталăх лаççисене хутшăннă, тĕрлĕ вырăна çитсе килнĕ. Çулçӳрев çамрăксене çĕнĕ хавхалану парнеленĕ.</p>
<p>ЕКАТЕРИНА ПЛАТОНОВА: <em>«Республика шайĕнчи проект «Образовательное воскресенье».</em> <em>Эпир кашни уйăхрах, уйăх вĕçĕнче тĕрлĕ-тĕрлĕ енпе шкул активисчĕсене пуçтаратпăр. Унта шкул музейĕ те, унта туризм енĕ те, экологи те, медиа тата волонтерство енĕ те. Çавăнпа та çак ĕç сая кайман тесе шутлатпăр». </em></p>
<p>Раççей шайĕнчи проект шкул музейне çĕнĕлĕх кĕртме те май панă. Краеведени енĕпе пĕлӳ илнĕскерсем хăйсен шухăшĕсене ĕçе куçарма пуçланă та ĕнтĕ. Ку енĕпе палăртнине тивĕçлĕн пурнăçлама шкул музейне юсаса çĕнетме грант çĕнсе илни те пулăшать. Юлия Адюкова, Николай Скворцов<strong> </strong></p>