Ачасемпе вĕрентекенсене çыхăнтаракансем — канашçăсем
.jpg)
2022-23-мĕш вĕренӳ çулĕнче Раççейри 45 регионти пĕлӳ çурчĕсенче директорăн воспитани ĕçĕпе тимлекен канашçăсем ĕçлеме пуçларĕç. Вăл шутра – Чăваш Енре те. Шупашкарти 65-мĕш шкулта тата 5-мĕш гимназире вĕсем пиллĕкĕн. Ытти шкулсенче вара пĕррĕрен пуçласа виççĕ таран. Вĕсен хисепĕ шкулта мĕн чухлĕ ача вĕреннинчен тата миçе учитель ĕçленинчен килет. Камсем-ха вĕсем директор канашçисем? Мĕн тăваççĕ вĕсем? Çак ыйтусене уçăмлатма пултарулăх ушкăнĕ Çĕнĕ Шупашкарти 14-мĕш шкула çитсе килчĕ. Ачасем хаваспах ташлаçç
<p>2022-23-мĕш вĕренӳ çулĕнче Раççейри 45 регионти пĕлӳ çурчĕсенче директорăн воспитани ĕçĕпе тимлекен канашçăсем ĕçлеме пуçларĕç. Вăл шутра – Чăваш Енре те. Шупашкарти 65-мĕш шкулта тата 5-мĕш гимназире вĕсем пиллĕкĕн. Ытти шкулсенче вара пĕррĕрен пуçласа виççĕ таран. Вĕсен хисепĕ шкулта мĕн чухлĕ ача вĕреннинчен тата миçе учитель ĕçленинчен килет. Камсем-ха вĕсем директор канашçисем? Мĕн тăваççĕ вĕсем? Çак ыйтусене уçăмлатма пултарулăх ушкăнĕ Çĕнĕ Шупашкарти 14-мĕш шкула çитсе килчĕ.</p>
<p>Ачасем хаваспах ташлаççĕ. Шкулта парта хушшинче кăна лармалла марри, тĕрлĕ енлĕн аталанма майсем пурри савăнтарать вĕсене. Çак флешмоба йĕркелекенсем – воспитани енĕпе ĕçлекен канашçăсем.</p>
<p>ТАТЬЯНА ЯЩИКОВА: <em>«Кăçалтанпа ку республикăра çĕнĕ проект. Ку должность çĕнĕлĕх пирĕншĕн. Эпир ачасемпе вĕсен активлăхне ӳстерес енĕпе тĕрлĕ мероприяти ирттеретпĕр. Халĕ эпир шкулта ачасемпе актив йĕркелессипе тăрăшатпăр. Тата школьный медиацентр. Çĕнĕлĕх кĕнĕренпе ачасем хăйсен шухăшĕсене пурнăçлама пултараççĕ. Вĕсен тĕрлĕрен интереслĕ проектсем пур. Вĕсен советниксем пулăшнипе вĕсене пурнăçа кĕртме пултараççĕ».</em></p>
<p> Çĕнĕ вĕренӳ çулĕ пуçланчĕ çеç-ха, канашçăсем пуçарнипе, пулăшса пынипе нумай проект пурнăçланма та пуçларĕ. Акă, «Тăрăшнăшăн, тав» акцие шкулсенчи поварсене халалланă. Техĕмлĕ те тутлă апатпа сăйлакансене вĕренекенсем чунтан тав туса хăйсем ăсталанă парнесем пачĕç. Çĕнĕ Шупашкарта ку вĕренӳ çулĕнче 17 шкулта пĕрер, иккĕшĕнче вара икшер канашçă ĕçе кӳлĕннĕ. Чăваш Енре вĕсен хисепĕ 440-пе танлашать. Канашçăсем вĕренекенсемпе педагогсем валли информаципе ăнлантару ĕçне туса пыраççĕ. Арçын ачасемпе хĕрачасемшĕн аслă юлташ, учительсемшĕн вара – пулăшакан. Кашни тунти кун пĕлӳ çурчĕсенче «Пĕлтерĕшлĕ калаçу» урок иртет. Кунта та канашçăсем – канаш паракансем. Çитес çул Чăваш Енре Телейлĕ ачалăх çулĕ. Çавна май канашçăсем халех унта валли хатĕрленме пуçланă. Алина Сусметова, Милена Алексеева, Сергей Емельянов<strong> </strong></p>