ДСҰ: Қазақстанның әлемдік саудамен сапырылысатын кезеңі жақындап келеді

АСТАНА. ҚазАқпарат - Биылғы ел тарихындағы аса маңызды оқиғалардың бірі - Қазақстанның Дүниежүзілік сауда ұйымына (ДСҰ-ред.) кіру жөніндегі келіссөздерді аяқтауы болып табылады. 19 жылға жалғасқан келіссөзден соң еліміз әлемдік сауданың көрігін қыздыратын алпауыт ұйымына 162-ші мүше ретінде кірген болатын. Мемлекет басшысы Нұрсұлтан Назарбаев келіссөздердің сәтті аяқталғанын тарихи маңызды оқиға ретінде бағалап: «Бұл күллі Қазақстанның жеңісі» дегені де есте.