Библиотекăсене çĕнетсе улăштарма палăртаççĕ
Çитес çул республикăри 6 библиотекăна çĕнетсе улăштарма палăртаççĕ. Çакăн валли Чăваш Ене «Культура» наци проекчĕпе федераци бюджетĕнчен 35 миллион тенкĕ уйăрса парĕç. Модельлĕ библиотекăсем уçни вулавăшсен ĕçне çĕнĕ шая çĕклеме май парать. Çынсем унта кĕнеке вулама кăна мар, пĕр-пĕринпе хутшăнма, тĕрлĕ мероприятисем йĕркелеме килме пултарĕç.
Комсомольски районĕн тĕп вулавăшĕ этнобиблиотека пулса тăрĕ. Кунта тĕрлĕ халăхсем хушшинчи туслăха çирĕплетессипе, вĕсен культурине сыхласа хăварассипе тимлĕрех ĕçлеме тĕллевлеççĕ. Шупашкарти Леонид Агаков ячĕллĕ библиотекăра пултарулăх лабораторийĕ уçма, çамрăксен лапамне йеркелеме палăртаççĕ. Çĕнĕ Шупашкарти Николай Носов ячĕллĕ вулавăша коммуникаци центрĕ туса хурĕç. Патăрьел районĕнчи ача-пăча библиотеки пĕчĕккисем валли вĕренÿ тата социокультура центрĕ пулса тăрĕ. Муркаш районĕнчи Андриян Николаев ячĕллĕ ача-пăча библиотекинче вара ачасен ăс-хакăлне аталантарассипе тимлĕç. Шупашкар районĕнчи Пархикассинчи вулавăшра ял çамрăкĕсем валли информаципе консультаци центрĕ йĕркелĕç