Ձերբակալվել է Մոլդովայի նախկին վարչապետը
![Ձերբակալվել է Մոլդովայի նախկին վարչապետը](http://gdb.rferl.org/EDE25118-67B5-4E25-84ED-5B316BD66BF5_w800_h450.jpg)
Հակակոռուպցիոն բյուրոյի դիմակավորված անձինք այսօր Մոլդովայի խորհրդարանում ձերբակալել են նախկին վարչապետ, Լիբերալ-դեմոկրատական խմբակցության ղեկավար Վլադ Ֆիլատին: Այս կադրերը ցուցադրել են հեռուստատեսությամբ:
Ձերբակալությունից րոպեներ առաջ նա զրկվել էր անձեռնմխելիությունից:
Իրավապահները քրեական հետապնդում են սկսել նախկին վարչապետի նկատմամբ հայտնի գործարարից 250 միլիոն դոլարի կաշառք վերցնելու և բանկերից 1,5 միլիարդ դոլարի անհետացման հնարավորություն ընձեռելու կասկածանքով:
Ավելի վաղ ցուցարարները փակել էին Քիշնևի խաչմերուկները՝ պահանջելով նախկին վարչապետի ձերբակալությունն ու գործող իշխանությունների հրաժարականը: