Римма Никитина: «Унике ел синсез...»
Җырчы Римма Никитина социаль челтәрдәге сәхифәсендә күңел ярасы белән уртаклашкан. Аның газиз кешесе – әтисе үлгәненә дистә елдан артык вакыт узган икән инде.
«12 ел синсез, әти... Ничек сагынам мин сине... Миңа синең кулларыңның җылысы шулкадәр җитми... Вакыт яраларны дәваламый икән...
Алла боерса, сиңа биргән вәгъдәмне тотам, әти. Мин моның белән яшим», – дип язган Римма һәм микрофон рәсеме куйган.
Димәк, җырчы әтисенә иҗаттан аерылмаска, сәхнәне ташламаска, дип сүз биргән булган.
Фото: Римма Никитинаның социаль челтәрдәге аккаунтыннан