Дельфий ойындарына қатысу үшін 500 жас талант елордаға жиналды (ФОТО)

 АСТАНА. ҚазАқпарат - Астанада басталған XI ұлттық Дельфий ойындарына қатысу үшін Қазақстанның өңір-өңірінен барлығы 500 жас талант елордаға жиналды. Бүгін Бейбітшілік және келісім сарайында ойындардың салтанатты ашылуы өтіп, жас таланттардың алдында әйгілі «Ұлытау» тобы, «Славян базары-2015» халықаралық байқауының жеңімпазы Димаш Құдайбергенов, Қазақстанның халық әртісі Айгүл Елшібаева өнер көрсетті.