Хопіць быць дармаедамі, пара стаць мужчынамі

Гісторыі пра вялікаўзроставых дзяцей, якія сядзяць на шыі бацькоў, у апошні час сустракаю часта. І адразу ж прыгадваю прымаўку: «Дрэнныя тыя бацькі, якія не давядуць сваіх дзяцей да пенсіі». Вельмі дзіўна чуць, калі маладыя хлопцы з рабочымі спецыяльнасцямі ніяк не могуць уладкавацца на працу – вакансій жа хапае. Думаю, справа ў іншым. Напрык­лад, ужо больш за паў­года застаецца ў пошуку Сяргей, сын знаёмай. Некаторы час ён працаваў элект­рыкам у адной з дзяржаўных будаўнічых кампаній, потым раптам кінуў усё і разам з сябрам паехаў у суседнюю дзяржаву за «годнай зарплатай». Недзе ў сакавіку вярнуўся ні з чым. Фіяска па­тлумачыў проста: будоўлю закрылі, працаўнікоў падманулі.