Часах ака пуçланать
.jpg)
Çурхи ака-суха ирттерме Чăваш Енре вăрлăх çителĕклĕ. Пĕрчĕллĕ тата пăрçа йышши культурăсен калăпăшĕ 50 000 тоннăпа танлашать. Ку тата ытти ыйтăва Чăваш Республикин Министрсен Кабинечĕн ларăвĕнче сӳтсе яврĕç. Кăçал республикăра акмалли лаптăк 550 000 гектарпа танлашать. Вĕсен йышĕнче çурри ытла тĕш тырăсем йышăнаççĕ. Ака-суха ĕçĕсене 310 пин гектар лаптăк çинче ирттермелле. Çурхи ака-сухана çĕр ĕçченĕ хатĕрленет – тимĕр утсен 98 проценчĕ паянах уйа тухаять, им-çамсен 64 процентне туяннă, çунакан тата сĕрмел
<p>Çурхи ака-суха ирттерме Чăваш Енре вăрлăх çителĕклĕ. Пĕрчĕллĕ тата пăрçа йышши культурăсен калăпăшĕ 50 000 тоннăпа танлашать. Ку тата ытти ыйтăва Чăваш Республикин Министрсен Кабинечĕн ларăвĕнче сӳтсе яврĕç.</p>
<p>Кăçал республикăра акмалли лаптăк 550 000 гектарпа танлашать. Вĕсен йышĕнче çурри ытла тĕш тырăсем йышăнаççĕ. Ака-суха ĕçĕсене 310 пин гектар лаптăк çинче ирттермелле. Çурхи ака-сухана çĕр ĕçченĕ хатĕрленет – тимĕр утсен 98 проценчĕ паянах уйа тухаять, им-çамсен 64 процентне туяннă, çунакан тата сĕрмелли материалсен 50 процент ытла илнĕ. Кондицие ларакансен вăрлăх тӳпи кăçал 93 процент. Иртнĕ çулта çак кăтарту 87 процент пулнă. Патăрьел, Канаш, Красноармейски, Çĕрпӳ, Çĕмĕрле, Етĕрнĕ тăрăхĕсенче тырă пахалăхĕ 100 процента çитет. Юхăннă çĕрсене пусă çаврăнăшне кĕртес ĕç те малалла пырать. Вĕсен лаптăкĕ 27 000 ытла гектар. Вунă пин гектарне кăçал тирпейлеме палăртнă. Ял хуçалăхне патшалăх пулăшăвĕ ӳссех пырать. Кăçал тĕрев 6 миллиарда яхăн. Çанталăк ирĕк парсан ака-сухана 14-15 кунта ирттерме май пулĕ. Промышленность та тимлĕхре. Предприятисем лизинг мелĕпе оборудовани туянсан пĕрремĕш пайне тӳленине патшалăх саплаштарать. Ăна валли кăçал 77 миллион тенкĕ уйăрнă. Вĕсенчен 35 миллионне республика хыснинчен уйăрĕç. Çĕнĕ Шупашкарти ятарлă экономика лапамĕ 542 гектар йышăнать. Хальлĕхе унта пилĕк пĕрлешӳ ĕçлеме заявка панă. Вĕсем хулана 13 миллиард тенкĕлĕх инвестици проекчĕсене пурнăçлама, сахалтан пĕр пин çĕнĕ ĕç вырăне йĕркелеме палăртаççĕ. Ятарлă экономика лапамне кĕрес текенсен бизнес-планĕсене экспертсен канашĕ тишкерĕ.</p>