ӘЛЕМ АПТА ІШІНДЕ: Ауғанстан мен Пәкістандағы жер сілкінісінен 400-ден астам адам қаза тапты

АСТАНА. ҚазАқпарат - Өтіп бара жатқан апта ішінде әлем халқы тағы да бірқатар қайғылы оқиғаның куәсі болды. Атап айтқанда, дүйсенбі күні Ауған-пәкістан шекарасында жер сілкініп, соның салдарынан 400-ден адам көз жұмды. Ауғанстанның, Пәкістанның және Үндістанның солтүстік бөлігінің көптеген тұрғындары табиғи апаттан зардап шекті. Сонымен қатар өткен жексенбі күні Канада жағалауында бортында 27 адам бар «Левиафан ІІ» кемесі суға батып кеткен болатын.