Կներկայացվի «Ակնարկներ Փարաջանովի մասին» գիրքը

Երեւան: Մեդիամաքս: Հունվարի 9-ին, ժամը 19:00-ին Common Ground Books & Spirits-ում տեղի կունենա արվեստաբան Կարեն Քալանթարի «Ակնարկներ Փարաջանովի մասին» գրքի վերահրատարակության շնորհանդեսը։

Գիրքը բաղկացած է 10 ակնարկից, որոնք պատմում են Սերգեյ Փարաջանովի կինոարվեստի ձեւավորմանն ու ծաղկման շրջանների մասին, ներկայացնում են չիրագործված սցենարների ճակատագրերը եւ կենսագրության որոշ հանգամանքներ։

Վերահրատարակությունը նվիրված է Փարաջանովի 100-ամյակին։

Կարեն Քալանթարը (1928-2000 թթ.) տարբեր տարիներին ղեկավարել է «Հայֆիլմ» կինոստուդիան, Հայաստանի կինեմատոգրաֆիստների միությունը, ՀՀ ԳԱԱ Արվեստի ինստիտուտի կինոյի բաժինը, դասավանդել է Երեւանի Թատրոն եւ կինոյի
ինստիտուտում։

Գիրքը կներկայացնի վերահրատարակության խմբագիր, արվեստի պատմության թեկնածու Վերոնիկա Ժուրավլեւան։