Иркәнең ире ялга кайткан
Җырчы Иркәнең ире Артур махсус операциядән чираттагы кыска вакытлы ялга кайткан. Бу хакта Иркә үзенең социаль челтәрдәге сәхифәсендә хәбәр итә. Ул сторисларына ире Артурның фотосын куеп: «Кайтты», – дип язган һәм «Минем янымда кал» дигән юллар булган «Ян» җырын куйган.
Артур махсус операциягә 2022 елның көзендә мобилизациягә эләгеп киткән иде. Ул гаиләсе янында август аенда булып китте, инде чираттагы ялы да килеп җиткән.