OpenAI-ը ներկայացրել է GPT-4o-ը՝ աուդիո եւ վիդեո զրույցի ֆունկցիաներով
OpenAI-ը ներկայացրել է GPT-4o մուլտիմոդալ գեներատիվ մոդելը Spring Update-ի շնորհանդեսի ժամանակ:
Սա արհեստական բանականություն է, որը պատրաստված է տեքստի, լուսանկարների եւ տեսանյութերի վրա: Նրա հետ կարող եք շփվել բացարձակապես անվճար եւ առանց գրանցման։
GPT-4o-ն կարող է ոչ միայն պատասխանել հարցերին չատբոտի ձեւաչափով, այլեւ ձայնով հաղորդակցվել, շարունակել զրույցը եւ իրական ժամանակում ճանաչել առարկաները սմարթֆոնի տեսախցիկի միջոցով:
Այս ամենը հիշեցնում է Հոակիմ Ֆենիքսի մասնակցությամբ «Her» ֆիլմի արհեստական բանականությունը, ինչի մասին ակնարկել է նաեւ OpenAI-ի ղեկավար Սեմ Ալթմանը։
Ըստ մշակողների՝ GPT-4o-ն երկու անգամ ավելի արագ է, քան GPT-4-ը, ինչը թույլ է տալիս ակնթարթորեն արձագանքել օգտվողի հրամաններին եւ ժամանակ չկորցնել մշակման վրա։ AI-ն կարող է նաեւ ճանաչել էմոցիաները՝ համապատասխան ինտոնացիայով, կատակներով կամ նույնիսկ սարկազմով արձագանքելու համար:
Հետաքրքիր այլ առանձնահատկություններ նույնպես ներառված են. իրական ժամանակում թարգմանչի գործառույթը` ձայնով եւ ռուսաց լեզվի աջակցությամբ: Ընդհանուր առմամբ, այն կարողանում է ճանաչել 50 լեզվով խոսք։
Առայժմ GPT-4o-ն հասանելի է API-ի միջոցով եւ արժե բազային սակագնի կեսը: Թողարկման պահին, սակայն, AI-ն ամբողջովին անվճար կլինի բոլոր օգտատերերի համար: Ընկերությունը խոստանում է այն սկսել իր արտադրանքի մեջ առաջիկա շաբաթների ընթացքում:
GPT-4o-ն հասանելի կլինի ինչպես վեբ տարբերակով, այնպես էլ որպես դեսքթոփ հավելված: Այն կաշխատի տարբեր հավելվածների հետ կոդ կամ տեքստ գրելու համար: Դուք կարող եք պարզապես ցույց տալ ձեր օգնականին էկրանը եւ հարց տալ:
Spring Update շնորհանդեսն ամբողջությամբ կարող եք նայել այստեղ։