Ләйсән Гыймаевадан вафли рецепты
Җырчы Ләйсән Гыймаева «дөрес туклану» сериясеннән вафли рецептын тәкъдим итә. Әгәр вафли пешерә торган махсус табагыз бар икән, эшкә тотынырга була.
Ингредиентлар: 1 банан, 1 алма, 100 грамм кукуруз оны, 1 аш кашыгы кибет каймагы, 1 йомырка.
Бананны турарга һәм чәнечке белән изәргә, алманы әрчергә, үзәген алырга һәм угычтан уарга. Аннары барысын бергә яхшылап болгатырга һәм пешерергә.
Чәегез тәмле булсын!