«Июль уртасында кар көрибез, ишекне дә ача алмыйбыз»: Тәтешледә кар яуган
Башкортстанның Тәтешле районы Курдем авылында кичә боз яуган. «Буа кызлары» төркеме шундый видео урнаштырган.
«Июль уртасында кар көрибез, ишекне дә ача алмыйбыз. Аяк өши», – дип сөйләнә-сөйләнә төшергәннәр шушы видеоны.
«Бакчада яшелчә калмаган, – дип яздылар», «Дааа, кемдер елгада су коена, кемдер кар көри», – дип яза кешеләр.
«Әкият. Җәйге боз яуса да, эреп бетә», – дип язучыга берәү: «Әкият кенә булса икән, түгел шул», – дип җавап калдырган.