ՌԴ-ն ու Իրանը ավարտել են ռազմավարական գործընկերության պայմանագրի նախապատրաստումը
«Ռուս-իրանական հարաբերությունների կարգավիճակը համապարփակ ռազմավարական գործընկերության մակարդակի հասցնելու համար նախատեսված փաստաթղթի վրա խմբագրական աշխատանքը տևել է գրեթե երկուսուկես տարի, և այսօր այն կարելի է ավարտված համարել»,- ՏԱՍՍ-ին տված հարցազրույցում ասել է դիվանագետը:
«Պայմանավորվածություն է ձեռք բերվել սկսել ներպետական ընթացակարգերը, որոնք անհրաժեշտ են պայմանագրի ստորագրման նախապատրաստման համար՝ ամենաբարձր մակարդակով առաջիկա երկկողմ շփումներից մեկի շրջանակներում։ Հուսով ենք, որ մոտ ապագայում այս իսկապես պատմական իրադարձության ականատեսը կլինենք»,- ասել է Ռուդենկոն։
Ավելի վաղ IRNA գործակալությունը հայտնել էր, որ Իրանի նորընտիր նախագահ Մասուդ Պեզեշկիանը Ռուսաստանի ղեկավար Վլադիմիր Պուտինի հետ հեռախոսազրույցում ասել էր, որ Թեհրանը պատրաստ է ստորագրել համաձայնագիրը հոկտեմբերին Կազանում կայանալիք BRICS-ի գագաթնաժողովի ընթացքում։