Сыер ите урынына дуңгызныкын салып акча эшләгән Булгаковның картиналарын күрсәттеләр
![Сыер ите урынына дуңгызныкын салып акча эшләгән Булгаковның картиналарын күрсәттеләр](https://intertat.tatar/images/uploads/news/2024/7/30/d045a80e0dcaefa43684e87d749a504b.jpg)
Оборона министры Дмитрий Булгаковның өендә тентү вакытында кызыклы картиналар тапканнар. Алмаз мозаикадан портрет, Дмитрий Булгаков кызыл һәм ак командирлар формасында. Иң кызыклысы – «Военный совет в Филях» картинасына охшатып ясалганы. Алексей Кившенко 1882 елда иҗат иткән картинада Бородино сугышыннан соң командирлар белән киңәшкән Кутузов сурәтләнә. Ә бу картинада – элекке Оборона министры Сергей Шойгу урынбасарлары, шул исәптән Дмитрий Булгаков белән. Ришвәтчелектә гаепләнеп кулга алынган урынбасар Тимур Иванов та бар.
Башка картиналарга охшатып ясалган бүтән картиналар да бар.
2008-2022 елларда оборона министры урынбасары булган Дмитрий Булгаковны 26 июльдә кулга алдылар. Ул тыл начальнигы, хәрбиләрнең материаль-техник хәле өчен җаваплы. Генерал коррупциядә гаепләнә, хәзер ул СИЗОда. Булгаков 1,3 миллиард сумлык махинацияләрдә гаепләнә. 9 миллион паекка ул сыер ите урынына арзанлы дуңгыз ите салган һәм шулй итеп акча эшләгән.