Էրդողանը Հռոմի պապին ասել է, որ աշխարհը գնում է դեպի «բարոյական փլուզում»
Ինչպես հաղորդում է Անատոլիական գործակալությունը՝ Հռոմի պապ Ֆրանցիսկոսի հետ հեռախոսազրույցում Էրդողանը պոնտիֆիկոսի ուշադրությունը հրավիրել է Փարիզում Օլիմպիական խաղերի բացման ժամանակ տեղի ունեցած «անբարոյական տեսարանների» վրա։
«Կարեւոր է միահամուռ ձայն բարձրացնել եւ միասնական դիրքորոշում ընդունել նման գործողությունների դեմ», - ասել է Թուրքիայի ղեկավարը։ Էրդողանը հիշեցրել է, որ «Օլիմպիական խաղերի նպատակը մարդկանց համախմբելն է, այլ ոչ թե կրոնական արժեքների դեմ ոտնձգություններ կատարելը եւ այլասերված գաղափարների քարոզելը»։