Егетләр-кызлар утырган машина авариягә очраган: бер кыз һәлак, тагын өч кеше имгәнгән

Башкортстанда яшьләр утырган машина авариягә очраган, 21 яшьлек кыз һәлак булган. Бу турыда «Башинформ» хәбәр итте.

Узган төндә Стәрлетамак шәһәрендә авария була. Биредә «ВАЗ-2112» машинасы «Лада Веста»га бәрелә. Алар икесе дә бер якка таба хәрәкәт итә. «Лада» светофорның кызыл төсенә туктый. Шул чакта яннан «ВАЗ» килеп бәрелә.

«ВАЗ» белән 20 яшьлек егет идарә иткән. Бәрелгәннән соң ул сул якта бетон коймага бәрелә. Салондагы 21 яшьлек пассажир кыз ашыгыч ярдәм килгәнче үлгән. 20 яшьлек йөртүче үзе, тагын ике пассажир – 21 яшьлек кыз һәм 20 яшьлек егет имгәнгән, аларны хастаханәгә китергәннәр.

Тикшерү бара, диелә хәбәрдә.