Зөлфирә һәм Алмаз Мирзаяновлардан яңа клип: «Яшермә син миннән күзләреңне»
Парлы җырчылар Зөлфирә һәм Алмаз Мирзаяновлар яңа хезмәт җимешләрен тәкъдим итте. Алар «Яшермә син миннән күзләреңне» дигән җырларына клипны авылда төшергән.
«Яшермә син миннән күзләреңне» җырына сүзләрне Вакыйл Сабиров, көйне Фирзәр Мортазин иҗат иткән.
Клипта төп рольләрне Нәфис Гиниятов белән Миләүшә Фатыйхова башкарган.
«Үзләре дә артистлар, күптән түгел матур дуэт барлыкка килде. Эзләп табып тыңлап карагыз.
Беренче тапкыр камера алдында булуга карамастан, рольләрне оста итеп башкаручы геройларга тагын да зур рәхмәт: Шакирова Әзирә, Шакиров Рәсим, Шакирова Миләүшә, Мубаракшина Җәмилә.
Саба районы Югары Симет авылында яшәүче дустыбыз Шакиров Алмазга һәм аның гаиләсенә зур рәхмәтебезне белдерәбез! Авылның өлкән кешесе Кыямов Рәис абыйга киң күңеле һәм матур йорт җирләре өчен рәхмәт!
Идея авторлары һәм башкаручылар, сезнең Зөлфирә һәм Алмаз Мирзаяновлар!!!
Рәхәтләнеп карагыз», – дип тәкъдим иттеләр бу клипны җырчылар.