«Иске-москы әйберләр турында җырлап бетердем бугай»: Вадим Захаровтан яңа җыр

Вадим Захаров бүгенге көндә сентябрь аенда булачак сольный концертларына әзерләнә. Шул уңайдан җырчы яңа җырлар да яздыра. «Балачаклар искә төшеп китте әле, яңа җыр яздырган идем, чана турында», – дип сөйләгән ул бу хакта үзенең шәхси блогында.

«Авыл лапасында булган бөтен иске-москы әйберләр турында җырлап бетердем бугай инде. Иске көзге, велисәпиттер, хәзер чана турында. Тагын нәрсә турында җырлап була микән әле ул?» – дип, көлеп, киңәш сораган җырчы.